VOV4.Jarai - Tŭ ư hăng tơlơi jak iâu mơng Ơi pơtao dêh čar Kur Nô-rô-đôm Xi-ha-mô-ni, Khua mir sir ơi Nguyễn Xuân Phúc nao čuă gưl dêh čar pơ dêh čar Kur dong mơng lơ 21 truh pơ lơ 22/12. Anai lĕ tal nao čuă dêh čar Kur blung a lơ̆m ñu đĭ ngă Khua mir sir mơng ơi Nguyễn Xuân Phúc kah hăng sa amăng hơdôm bruă blung a kiăng pơwŏt glăi hơdôm bruă pioh hơdor glăi “Thun ngă giang mah Việt Nam - Kur,  Kur -Việt Nam” hăng pioh hơdor glăi 55 thun akŏ pơjing tơlơi rô nao rai pơtom hiăp dua bơnah. Việt Nam hăng Kur lĕ dua boh dêh čar ha guai giang mah hiam klă sui thun; ngă hrŏm amăng djop mơta mơng đưm hlâo. Amăng hrơi blan dua bơnah glăk pơphun lu bruă mă pioh hơdor glăi thun blan pơjing tơlơi rô nao rai dua bơnah, tal nao čuă dêh čar Kur anai mơng Khua mir sir tŏ tui pơsit tong Ping gah, Kơnuk kơna hăng mơnuih ƀon sang Việt Nam lăng yôm biă mă tơlơi rô nao rai hăng Kur.

Siu Đoan: Pơblang