VOV4.Jarai-Tŭ ư tơlơi jak iâu mơ̆ng Khua tal sa git gai ping gah dêh čar Cuba, Khua mir sir dêh čar Cuba, ơi Miguel Diaz Canel, mơguah lơ 18/9, tui mông Việt Nam, ding kơna ding jum kơđi čar, Khua mir sir ơi Nguyễn Xuân Phúc ba jơlan hlâo khua mua pơprong mơ̆ng Việt Nam nao čuă sit nik dêh čar Cuba mơ̆ng lơ 18-21/9.

Nao hrom khua mir sir ơi Nguyễn Xuân Phúc, hơmâo ơi Phan Đình Trạc, ding kơna ding jum kơđi čar, ding kơna git gai ping gah dêh čar, Khua anom bruă pơgăn ƀong kông ngăn dêh čar; ơi Bùi Thanh Sơn, ding kơna apăn bruă ping gah dêh čar, Khua ding jum pơtom hiăp hrom hăng khua ding jum, anom bruă gơnong dlông nao hrom.

Anai lĕ, tal nao čuă lăp hơdor pioh yua kơ ơi Nguyễn Xuân Phúc  khua apăn akŏ gưl dêh čar tač rơngiao blung a nao čuă Cuba tơdơi kơ jơnum ruah khua ping gah tal XIII laih anun Việt Nam ăt jơnum ruah khua ping gah tal XIII tŭ yua. Tal nao čuă anai, pơdah rai tơlơi gum pơgôp, djru nao rai kjăp mơ̆ng Việt Nam hăng Cuba. Kơnang kơ tal nao čuă jơmư anai, amra ngă tong ten hloh tơlơi giăng mah gơyut gơyâo dua bơnah dêh čar, pơtrut ngă hrom amăng bruă mă dua bơnah tŭ yua hloh.

Nay Jek: Pơblang