VOV4.Jarai - Lơ 26/12, ƀơi Hà Nội pơphun Jơnum khua mua pơ ala mơnuih ba kơđi đơ đam dêh čar tal III. Nao Jơnum hăng đĭ pơhiăp amăng mông jơnum, Khua mir sir ơi Nguyễn Xuân Phúc pơpŭ bơni, lăng yôm ƀing mơnuih ba kơđi amăng đơ đam dêh čar hơmâo gir run amăng bruă mă, pơgôp pơgang brơi tơlơi dưi, tơlơi gal kơ mơnuih mơnam, tơlơi dưi djơ̆ hăng tơlơi phiăn, pơjing hăng pơgiong Kơnuk kơna tui hơdră xã hội chủ nghĩa Việt Nam.

Khua mir sir bưp ƀing khua mua pơ ala mơnuih ba kơđi

Khua mir sir brơi thâo, Ping gah, Kơnuk kơna lêng kơ đing nao ƀing mơnuih ba kơđi, pơjing brơi lu dong hăng hơmâo lu mơnuih rơgơi bruă. Yôm hloh lĕ bing mơnuih ba kơđi kiăng kơ gơgrong tui tơlơi tơpă sit, djơ̆ hăng tơlơi phiăn, ngă bruă klă hloh. Ƀing mơnuih ba kơđi khŏm pơgang brơi tơlơi dưi djơ̆ tơlơi phiăn kơ mơnuih ƀon sang, laih dong djơ̆ tui hơdră xã hội chủ nghĩa, pơhlôm brơi tơlơi dưi mơng kơnuk kơna.

Siu Đoan: Pơblang