VOV4.Jarai - Mơmŏt lơ 28/12, ƀơi plơi prong Tam Kỳ, Khua mir sir ơi Nguyễn Xuân Phúc nao ngă lơphet pioh hơdor glăi 550 thun hrơi pơanăn Quảng Nam (1471-2021). Đĭ pơhiăp amăng mông ngă lơphet, Khua mir sir ơi Nguyễn Xuân Phúc brơi thâo, sui mơng anai 550 thun, ơi pơtao Lê Thánh Tông hơmâo pơanăn brơi kual lŏn anai lĕ Quảng Nam hơmâo 3 kual: Thăng Hoa, Tư Nghĩa hăng Hoài Nhơn. Yua anun bruă anai ƀu djơ̆ ba glăi tơlơi yôm hăng Quảng Nam đôč mơ̆ ăt wŏt Đà Nẵng, Quảng Ngãi, Bình Định hăng wŏt kual Tong krah. Quảng Nam, lĕ anăn yôm pơdah tơlơi lăng nao ataih amăng pơjing lŏn ia Việt Nam kah hăng tơlơi pơ-ang pơ-ang kơ lŏn ia ta. Hlâo anun, amăng tlam lơ 28/12, Khua mir sir ơi Nguyễn Xuân Phúc bưp ƀô̆ mơta ƀing khua apăn bruă Ping gah mơng thun 1997 truh ră anai. Lăi nao kơ tơlơi lông hăng Quảng Nam ră anai anun lĕ bruă bơwih ƀong huă dŏ anet raih daih, prăk pơhrui rĭm akŏ mơnuih dŏ aset pơhmu hăng đơ đam dêh čar, jơlan glông dŏ tơnap tap; mrô sang anŏ ƀun rin dŏ lu hăng 4,25%; mơnuih mă bruă thâo rơgơi dŏ aset, Khua mir sir ơi Nguyễn Xuân Phúc rơkâo: Kiăng kơ gir run abih pran mơng mơnuih ƀon sang Quảng Nam pơ anăp anai.

Siu Đoan: Pơblang