VOV4.Jarai-Tlam lơ 12/8, ƀơi anom bruă khua mir sir, Khua mir sir ơi Nguyễn Xuân Phúc tŭ jum ơi Kamal Malhotra, Khua djru bruă sang gum hơbit djop dêh čar ƀơi Việt Nam, nao mă tơngan pơđut rơwang thun mă bruă ƀơi Việt Nam. Khua mir sir bơni hơơč kơ ơi khua djru bruă sang gum hơbit djop dêh čar ngă giong bruă jao rơwang bruă rơgao ƀơi Việt Nam.

Khua mir sir ăt lăi Việt Nam bơni hăng pơpŭ biă mă tơlơi djru, ngă hrom laih anun gum ba yôm pơphăn mơ̆ng djop anom bruă sang gum hơbit djop dêh čar pioh kơ Việt Nam amăng rơbêh pă hơpluh thun hăng anai laih anun hok mơak mơ̆n ƀuh tơlơi rô nao rai dua bơnah jai pơđĭ kyar tui.

Khua mir sir ơi Nguyễn Xuân Phúc rơkâo pơ anăp anai, sang gum hơbit djop dêh čar ăt hơmâo jơlan hơdră djru ba hmao kru, djru prăk kăk hăng boh thâo phrâo kơ Việt Nam, amăng anun djru Việt Nam bơblih hơbô̆ mă bruă kiăng pơđĭ kyar klă, mă yua tơlơi gêh gal bơblih phrâo ngă tui  ia rơgơi 4.0, hơđong kjăp, hlom bom, ƀu lui kơ hlơi dŏ glăi pơ klôn ôh, ngă djơ̆ hăng anăp gum hrom mut phung jar kmar, pok pơhai ngă tui tơlơi kiăng pơđĭ kyar lŏn ia mơ̆ng Ping gah dêh čar jơnum ruah khua tal XIII pơtrun.

Nay Jek: Pơblang