VOV4.Jarai-Ăt bruă mă amăng tal čuă dêh čar Mi ĕp bruă sĭ mơdrô, tuh pơ alin ƀrô nao jơnum bơkơtuai hrom khua mua sang gum hơbit djop dêh čar tal 76, lơ 22/9, tui hăng mông dêh čar Mi, Khua mir sir dêh čar ta ơi Nguyễn Xuân Phúc hơmâo mông tŭ jum khul ngă bruă sĭ mơdrô dêh čar Mi-ASEAN, Khul ngă bruă sĭ mơdrô dêh čar, Anom wai lăng bruă sĭ mơdrô dêh čar Mi hăng khua mua djop sang bruă sĭ mơdrô group sĭ mơdrô pơprong lu dêh čar….

Khua mir sir ơi Nguyễn Xuân Phúc lăng yôm tơlơi gơgrong mơ̆ng khul grup, mơnuih ngă bruă sĭ mơdrô dêh čar Mi amăng bruă pơtrut ƀing sĭ mơdrô dêh čar Mi tuh pơ alin pơ Việt Nam lu thun rơgao. Pơ anăp anai, Khua mir sir rơkâo djop khul grup pơtrut ƀing ngă bruă sĭ mơdrô dêh čar Mi tuh pơ alin pơ Việt Nam, boh nik ñu amăng bruă mă boh thâo ia rơgơi, čuk pơkra jơlan, man pơdong sang bruă, sĭ mơdrô prăk kăk….ba dêh čar Việt Nam amăng anăn ngă hrom sĭ mơdrô gơnam truh pơ djop dêh čar. Hrom hăng anun, jak iâu kơnuk kơna dêh čar Mi ăt djru vaccine pơgang Covid 19 hăng gơnam yua gah ia jrao, jao brơi tơlơi thâo thăi, măi mok pơkra vaccine kơ Việt Nam.

Nay Jek: Pơblang