VOV4.Jarai - Khua mir sir ơi Nguyễn Xuân Phúc phrâo kĭ hră kơ bruă brơi gơnam ƀrô 74 thun Hrơi pioh kơ Tơhan rơka - Tơhan djai pơsăn drơi lơ 27/7. Tui anun, gơnam pơpŭ hơmâo 600 rơbâo prăk brơi kơ Amĭ Việt Nam sông kơtang, tơhan rơka, mơnuih hơmâo ƀong prăk djru kah hăng tơhan rơka, tơhan rơka mrô B, tơhan ruă ƀu anăm mă bruă hăng mrô pơkă mơng 81% truh kơ lu hloh glăk ƀong prăk djru rim blan; mơnuih ngă tơhan djơ̆ jrao hret jing ƀu anăm mă bruă mơng 81% mrô pơkă glăk hơmâo ƀong prăk djru rim blan; sang anŏ tơhan djai pơsăn drơi kơ lŏn ia glăk hơmâo ƀong prăk rim blan; sang anŏ hơmâo dua čô tơhan djai truh kơ lu hloh glăk hơmâo prăk djru rim blan. 300 rơbâo prăk pioh kơ tơhan rơka, mơnuih ƀong prăk mơng tơhan rơka, tơhan rơka mrô B; tơhan ƀu anăm mă bruă mơng 80% mrô pơkă truh kơ aset ƀiă glăk hơmâo ƀong prăk rim blan; tơhan rơka glăk ƀong prăk yua ƀu hơmâo pran jua ngă bruă; tơhan blah ayăt djơ̆ jrao hret jing ƀu dưi mă bruă hăng mrô 80% trun pơ yŭ glăk hơmâo ƀong prăk rim blan.

Siu H’Mai: Pơblang