VOV4.Jarai - Mơguah lơ 19/11, ƀơi Hà Nội, khua mua Ding jum pơtô hăng pơjuăt bưp ƀing nai pơtô rơgơi djuai ania ƀiă hơmâo bơni amăng jơlan hơdră “Ră ruai tom ƀing nai” thun 2020. Ƀơi mông bưp, ƀing nai pơtô hơmâo lăi nao tơlơi pơtô hrăm, hơdôm tơlơi tơnap tap lơ̆m pơtô boh hră kơ ƀing čơđai djuai ƀiă, hơdôm tơlơi pơtô pơplih phrâo kiăng ƀing čơđai tañ hluh tơlơi hrăm hloh amăng mông hơmâo klin Covid-19 hăng hơdôm tơlơi čang rơmang kơ hơdră djru mơng Ping gah hăng Kơnuk kơna pioh kơ ƀing nai hăng čơđai sang hră pơ kual ataih yaih, mơnuih djuai ƀiă tơnap tap. Ƀơi mông bưp, Kơ-iăng khua ding jum pơtô hăng pơjuăt Ngô Thị Minh brơi thâo: Ding jum pơtô hăng pơjuăt amra pơƀuh glăi hăng hơmâo mông jơnum ba tơbiă tơlơi pơsir, tơlơi djru kơ ƀing nai pơtô glăk hrơi mlăm djru lăng ba, pơtô hră kơ čơđai pơ kual ataih yaih, kual mơnuih ƀon sang djuai ƀiă.

Siu H’Mai: Pơblang