VOV4.Jarai - Amăng lơ 25/10, tŏ tui mông jơnum mơng ƀirô khua git gai pơ ala mơnuih ƀon sang dêh čar, ƀing khua bơkơtuai ƀơi grup kơ Tơlơi phiăn sĭ mơdrô prăk pơhlôm nua (pơplih pơkra). Anai lĕ tơlơi phiăn yôm biă mă ƀơi anih sĭ mơdrô, ăt jing bruă sĭ mơdrô phara. Ƀrô sĭ mơdrô tui tơlơi blơi mă mơng mơnuih ƀon sang, samơ̆ ăt pơkôl khŏm kiăng blơi. Pơmin kơ bruă pơgăn djă pioh mă hơjăn, hơdôm tơlơi pơgôp hiăp kiăng pơkă rơđah đah mơng bĕ hĭ anom bruă sĭ mơdrô prăk pơhlôm nua ngă hrŏm pơđĭ prăk pơhrui, pơhrŏ trun prăk tla hăng djŏp hră pơhlôm nua. Pơgôp hiăp ƀơi grup bơkơtuai, Khua git gai pơ ala mơnuih ƀon sang dêh čar ơi Vương Đình Huệ lăng yôm anŏ klă mơng tơlơi phiăn hăng bruă hyu pel ĕp. Laih dong lăi, tơlơi phiăn pơhlôm nua pơplih phrâo amra pơsir brơi tơlơi aka ƀu djơ̆, pơtrut anih sĭ mơdrô prăk pơhlôm nua đĭ kyar hơđong hloh. Khă hnun, Khua git gai pơ ala mơnuih ƀon sang ăt pơtă mơn hơdôm tơlơi kiăng lăng glăi đah mơng pơđĭ tui anŏ klă mơng tơlơi phiăn. Amăng anun hră kĭ pơkôl blơi hră pơhlôm nua khŏm djơ̆ hăng tơlơi pơkôl pơkă kiăng ngă pơ anăp lĕ sĭ mơdrô tui glông mrô, điện tử.

Siu H’Mai: Pơblang