VOV4.Jarai-Hơdor glăi tal 131 thun hrơi tơkeng kơ Khua mir sir Hồ Chí Minh, lơ 19/5, mơguah lơ 18/5, Grup khua mua apăn bruă ping gah, khua mir sir, khua pơ ala mơnuih ƀôn sang dêh čar, kơnuk kơna, Jơnum min djop djuai ania mơnuih mơnam Việt Nam nao dưm guang bơnga, čuă pơsat jep, h’ŭ kơ Khua mir sir Hồ Chí Minh.

Guang bơnga hơmâo čih “Hơdor na nao kơ Khua mir sir Hồ Chí Minh hing ang”. Grup khua mua apăn akŏ dêh čar pơdah rai pran jua hơdor tơngia prong prin, đut tơhnal kơ Khua mir sir Hồ Chí Minh, sa čô khua kah hăng nai pơtô lăp pơpŭ biă mă mơ̆ng Ping gah djuai ania ta. Ñu pơyơr abih pran jua yua kơ bruă hơkrŭ kiăng pơklaih rơngai lŏn ia, pơlir truh kih dêh čar jing hlom bom sa boh kah hăng ră anai, Việt Nam rơngai laih.

Giong anun, grup khua mua nao dưm guang bơnga, h’ŭ kơ ƀing tơhan pơsăn drơi jăn yua kơ lŏn ia ƀơi jơlan Bắc Sơn. Amăng mông pơpŭ pran jua, ƀing khua mua hơdor glăi kơ ƀing ană bă  djuai ania hing ang, yua ƀu h’ưi drah kơtăk tơlơi hơdip pô, khin hơtai blah ayăt pơsăn drơi jăn kiăng pơklaih rơngai djuai ania, ba glăi tơlơi rơnuk rơnua kơ dêh čar, ngă khua pô kơ lŏn ia, mơnuih ƀôn sang dưi hyuk hyak mơak klă.

Nay Jek: Pơblang