VOV4.Jarai - Tơdơi kơ hmư̆ hră lăi pơthâo mơng khua mua nao jơnum, Khua pơ ala mơnuih ƀon sang dêh čar hơmâo pơčrông sai kơ ƀơi grup kơ bruă ba tơbiă tơlơi pơsit kơ sa, dua hơdră bruă phun kiăng pơđĭ kyar ƀơi hơdôm tơring čar, ƀôn prong anun lĕ: Hải Phòng, Nghệ An, Thanh Hoá, Thừa Thiên Huế. Anai lĕ hơdră bruă yôm phăn mơng Gơnong glông kiăng kơ pơtrut pơđĭ kyar amăng lŏn ia ta pơ anăp anai. Pơčrông sai ƀơi grup, ƀing khua mua lêng kơ tŭ ư hăng hơdôm hơdră bruă kiăng pơtrut pơđĭ kyar lŏn ia pơ anăp anai, hơmâo hơdră bruă akŏ phun kiăng kơ pơtrut ƀu djơ̆ ƀơi hơdôm ƀon lan đôč ôh mơ̆ wŏt hơdôm kual hơmâo lu tơlơi dưi kiăng pơđĭ kyar. Yua anun, hơdră bruă ƀu djơ̆ kơnong pơhlôm brơi ƀon lan dưi pơđĭ kyar djơ̆ hăng tơlơi gal đôč ôh mơ̆ ăt wŏt hơdôm tơlơi hơmâo pơkŏn dong kiăng pơtrut kơtang, anai lĕ tơlơi kiăng hloh. Sit biă ñu, hơdră bruă phun brơi kơ 4 boh tơring čar, ƀôn prong, sit biă ñu hơdră čan prăk, hơdră mă yua ngăn drăp pơhrua dong hăng hơnong pơkă hơmâo lu dong prăk pơhrui amăng hơdôm tơring čar, ƀôn prong, ƀudah ngă lông lăng hơdôm hơdră pơhrui prăk kak amăng ƀon lan.

Siu Đoan: Pơblang