VOV4.Jarai - Tlam lơ 11/1, Khua mua pơ ala mơnuih ƀon sang dêh čar pơđut mông jơnum, pơsit brơi 1 tơlơi phiăn hăng 4 tơlơi pơtrun. Amăng anun, 4 tơlơi pơtrun hơmâo: Tơlơi pơtrun kơ bruă mă yua prăk kak djru kơ Jơlan hơdră rŭ glăi hăng pơđĭ kyar bơwih ƀong huă - mơnuih mơnam, Tơlơi pơtrun kơ Bruă tuh pơ plai pơkra jơlan rơdêh pơđuăi hmar Kơdư - Dơnung gah ngŏ thun 2021-2025, Tơlơi pơtrun ngă lăng hlâo sa dua tơlơi pơkôl pơkă, hơdră djru phara hơjăn pioh pơđĭ kyar ƀon prong Cần Thơ hăng Tơlơi pơtrun jơnum ƀu pơthâo hlâo tal sa, Ƀirô khua git gai pơ ala mơnuih ƀon sang dêh čar tal 15.

Jơnum ƀu tui tơđar, Khua mua pơ ala mơnuih ƀon sang dêh čar tal 15.

Amăng hơdôm tơlơi bơkơtuai ƀơi grup, ăt kah hăng bơkơtuai lăng nao rai amăng tivi phrâo rơgao, lăng nao abih bang hơdôm tơlơi pơgôp hiăp lêng lăng yôm soh bruă Khua mua pơ ala mơnuih ƀon sang dêh čar jơnum ƀu lăi pơthâo hlâo đah mơng sem lăng hơdôm tơlơi kiăng ječ đah mơng hmao tlôn pơsir brơi, djru hơkrŭ glăi hăng pơđĭ kyar tơlơi bơwih ƀong./.