VOV4.Jarai - “Tŏ tui kơtưn pok pơhai tŭ yua hơdôm hơdră pơgang klin COvid-19, hrŏm hăng bruă hơkrŭ glăi bơwih ƀong huă -mơnuih mơnam amăng tơring čar; ba tơbiă hơdră bruă lăp djơ̆ kiăng hơđong nua sĭ gơnam hăng djru pơsir hĭ tơnap tap amăng bruă pơkra pơjing gơnam, bơwih ƀong sĭ mơdrô hăng mơnuih ƀon sang … lĕ hơdôm bruă kiăng mơng ană plơi pla amăng tơring čar Daklak hơmâo lăi nao amăng mông bưp ƀô̆ mơta tơdơi kơ Jơnum lok 2, Khua pơ ala mơnuih ƀon sang dêh čar tal XV hăng ƀing khua mua pơ ala mơnuih ƀon sang tơring čar Daklak amăng lơ 18/11.

Yua kơ klin Covid-19 dŏ ngă tơnap tap, mông bưp ƀô̆ mơta ană plơi pla ƀơi Daklak pơphun lăng nao rai mơng ataih mơng anih phun lĕ anom bruă Khul pơ ala mơnuih ƀon sang tơring čar hăng djop ƀon lan. Amăng mông jơnum, mơnuih ƀon sang hơmâo đing nao hăng rơkâo lu bruă bơdjơ̆ nao kơ bruă tŏ tui kơtưn pok pơhai tŭ yua hơdôm hơdră bruă pơgang klin Covid-19, hrŏm hăng hơkrŭ glăi hăng pơđĭ kyar bơwih ƀong huă mơnuih mơnam amăng tơring čar, ba tơbiă hơdôm hơdră bruă lăp djơ̆ kiăng hơđong nua sĭ gơnam hăng djru pơsir hĭ tơnap tap amăng pơkra pơjing gơnam mơng hơdôm anom bơwih ƀong sĭ mơdrô hăng mơnuih ƀon sang yua bơbeč mơng klin Covid-19 ngă.

Siu Đoan: Pơblang