VOV4.Jarai - Nao jơnum hrŏm lok 2, Khua pơ ala mơnuih ƀon sang dêh čar tal 15 lăng nao rai mơng ataih, tơdơi kơ hmư̆ hră lăi pơthâo kơ boh than dưi ngă tui akŏ bruă pơđĭ kyar bơwih ƀong huă mơnuih mơnam thun 2021; akŏ bruă pơđĭ kyar bơwih ƀong huă mơnuih mơnam amăng thun 2022 dong. Hră lăi pơthâo kơ bruă pơgang klin Covid-19 hăng bruă ngă tui tơlơi pơsit mrô 30/2021/QH15 mơng jơnum lok blung a, Khua pơ ala mơnuih ƀon sang dêh čar tal 15, Khua mua pơ ala mơnuih ƀon sang tơring čar Daklak hơmâo pơgiong mông pơčrông sai ƀơi grup kơ hơdôm boh tơhnal anai. Ƀing khua mua ƀơi Daklak lêng kơ tŭ ư hăng boh tơhnal amăng hră lăi pơthâo hăng akŏ bruă pơđĭ kyar bơwih ƀong huă - mơnuih mơnam pơ anăp hơmâo ba tơbiă amăng mông jơnum, laih dong pơgôp hiăp kơ tơlơi bơbeč mơng klin Covid-19 nao mơnuih ƀon sang; bruă pok pơhai tuh pơ alin bruă čar ră anai amăng đơ đam dêh čar lêng kơ kaih yua kơ dŏ lu hơdră bruă ngă gun.

Siu Đoan: Pơblang