VOV4.Jarai - Tơring glông Đăk Tô khŏm git gai djŏp anom bruă čar, khul grup gum djru pôr pơhing, iâu pơthưr mơnuih ƀon sang pơhlôm pơgang klin. Anai lĕ tơlơi git gai mơng Y Ngọc - Kơiăng khua jơnum min mơnuih ƀon sang tơring čar Kon Tum tơdơi kơ nao pel ĕp bruă pơgang klin ngă ƀơi ană mơnuih, či tơring glông Đăk Tô lĕ tơring glông hơmâo mrô mơnuih duam đung drah lu hloh amăng tơring čar hăng 22 čô mơnuih ruă, amăng 33 čô mơnuih ruă hơmâo čih poih amăng tơring čar mơng akŏ thun truh ră anai. Khua mua jơnum min mơnuih ƀon sang tơring glông Đăk Tô brơi thâo dong, rơngiao kơ 22 čô mơnuih duam đung drah, ƀơi anai hơmâo 69 čô ruă djơ̆ kret dong. Ră anai, tơring glông Đăk Tô glăk hyu lăi pơthâo bruă pơhlôm pơgang klin duam ruă lăi hrŏm, duam đung drah hăng kơčung tơkai tơngan amăng bah lăi hơjăn. Kơnong bruă pơhlôm pơgang klin Covid-19, hơdôm boh să, tơring kual ƀơi tơring glông Đăk Tô hơmâo akŏ pơdong grup hyu pel ĕp, wai lăng, git gai bruă pơgang klin duam ruă ƀơi hơdôm anih juăt hơmâo mơnuih ruă, anih amun hơđuh đĭ klin.

Siu H’Mai: Pơblang