VOV4.Jarai - Lơ 17/6, Khua Gong phun jua pơhiăp dêh čar Việt Nam ơi Đỗ Tiến Sỹ hơmâo mông bưp lăng nao rai amăng tivi hăng Khua čih pioh Khul pôr pơhing, pơdah rup kual Asia - Thái Bình Dương (ABU) Javad Mottaghi. Amăng mông bưp, Khua čih pioh ABU Javad Mottaghi brơi thâo, hăng tơlơi găn rơgao amăng djop mơta bruă, Khua phrâo ơi Đỗ Tiến Sỹ amra ba Gong phun jua pơhiăp dêh čar Việt Nam jai hrơi pơđĭ kyar dong pơ anăp anai. Ơi Mottaghi brơi thâo, lơ̆m lĕ Khua čih pioh ABU, ñu hơmâo lu bruă ngă hrŏm hăng Gong phun jua pơhiăp dêh čar Việt Nam amăng thun blan laih rơgao hăng čang rơmang amra hơmâo lu dong hrơi mông mă bruă hăng ngă hrŏm hăng Khua phrâo ơi Đỗ Tiến Sỹ. Khua Gong phun jua pơhiăp dêh čar Việt Nam ơi Đỗ Tiến Sỹ lăi pơtong, Gong phun jua pơhiăp dêh čar Việt Nam lêng ding kơna yôm phăn hăng ABU kiăng pơgôp ba ABU jai hrơi pơđĭ kyar.

Siu Đoan: Pơblang