VOV4.Jarai -  Tô̆ tui tơlơi gum pơhiăp kơ hơdôm bôh yôm amăng tal jơnum lok 2, Khua pơ ala mơnuih ƀôn sang tal 16, lom lơ 25/10 bơkơtuai ƀơi grŭp, gum pơhiăp kơ rơwang bruă Tơlơi phiăn bơwih ƀong sĭ mơdrô yua hră pơgang (pơplih pơkra), Grŭp Khua pơ ala mơnuih ƀôn sang tơring čar Dalak tŭ ư hrom prong bruă pơplih pơkra tơlơi phiăn bơwih ƀong sĭ mơdrô yua hră pơgang hăng lăi pơthâo glăi tơlơi pel ĕp mơng Jơnum min bơwih ƀong.

Hrom hăng anun, pơhrua nao dong sa dua mơta tơlơi gum pơhiăp kơ bôh yôm anai. Grŭp khua pơ ala mơnuih ƀôn sang tơring čar Daklak lăi lĕ, bruă pơplih pơkra Tơlơi phiăn bơwih ƀong sĭ mơdrô yua hră pơgang jing kiăng biă pioh pơgang tơlơi dưi hăng bôh tŭ yua djơ̆ phiăn mơng khul grŭp, mơnuih gum hrom pơgang; pơtrut kơtang bruă bơwih ƀong sĭ mơdrô yua hră pơgang; djru pơtrut đĭ hăng djă pioh tơlơi pơđĭ kyar kơjăp mơng bruă bơwih ƀong - mơnuih mơnam, hơđong tơlơi hơdip mơnuih ƀôn sang; kơtưn ba bôh tŭ yua wai lăng kơnuk kơna hăng bruă bơwih ƀong sĭ mơdrô dưi pơgang. Khă hnun hai, lu hơdră bruă bơwih ƀong sĭ mơdrô yua hră pơgang khom hmâo tơlơi pơkă rơđah rơđông hloh./.

Siu H’ Prăk: Pô pơblang