VOV4.Jarai - Amăng tal nao čuă hăng mă bruă hăng hơdôm tơring čar kual Dap kơdư, tlam tom brơi (30/6), Khua pơ ala mơnuih ƀon sang dêh čar ta ơi Vương Đình Huệ hăng grup hyu mă bruă hơmâo nao čuă hăng mă bruă hăng khua mua tơring čar Daklak.

Mă bruă hăng khua mua ƀơi Daklak, Khua pơ ala mơnuih ƀon sang dêh čar ta tŭ ư hăng hơdôm hơdră bruă pơ anăp anai ƀơi tơring čar amra ngă amăng 6 blan rơnuč thun hăng lăi pơtong tơring čar kiăng ngă tui kjăp hơdôm tơlơi pơsit mơng Ping gah, Ping gah tơring čar; kiăo tui lăng na nao klin Covid-19 kiăng kơ hmao tlôn pơgang hĭ, kơtưn bruă pơgang klin tañ hloh hăng mơng ataih, anăm pơtah tai, lăng glăi hơdră bruă pă mơta ha anih anun lĕ mơng mơnuih mă bruă, gơnam măi mok, ia jrao anăm bruă kơƀah, ƀu dưi pơhlôm hlâo.

Amăng hrơi nao mă bruă pơ Dak Nông, Khua pơ ala mơnuih ƀon sang dêh čar hơmâo nao čuă, ƀơk gơnam brơi ƀing mơnuih mă bruă sang anŏ tơnap tap ƀơi kông ti ñôm Alumin, să Nhơn Cơ, tơring glông Dak R’Lấp, nao čuă akŏ bruă Sang măi pơkra Alumin Nhơn Cơ - Dak Nông.

Siu Đoan: Pơblang