VOV4.Jarai - Tlam tom brơi (7/6), ƀơi Ƀirô mă bruă, Khua pơ ala mơnuih ƀon sang dêh čar ta ơi Vương Đình Huệ hơmâo mông jơnum lăng nao rai amăng tivi hăng Khua pơ ala mơnuih ƀon sang gơnong yŭ dêh čar Australia Tony Smith. Amăng mông jơnum, dua čô khua lêng kơ pơsit tong, tơlơi rô nao rai ngă hrŏm kơplah wah dua boh dêh čar glăk jai hrơi pơđĭ kyar, đăo gơnang nao rai, sit nik hăng dơlăm tui. Amăng hrơi blan klin Covid-19 glăk ngă tơnap tap dong mơng thun hlâo ră anai, samơ̆ dua bơnah ăt pơphun jơnum lăng nao rai na nao. Dua bơnah pơphun na nao jơnum khua mua djop gưl, pơlăi nao rai tơlơi găn rơgai amăng djop mơta bruă amăng Ƀirô Khua pơ ala mơnuih ƀon sang dêh čar, kơtưn thâo hluh nao rai hăng kjăp dong amăng tơlơi rô nao rai ngă hrŏm dua bơnah, laih dong gum hrŏm hăng dong yua nao rai amăng hơdôm mông jơnum djop bơnah.

Siu Đoan: Pơblang