VOV4.Jarai-Ăt amăng bruă mă jơnum khua mua AIPA tal 42, lơ 24/8, jơnum Jơnum min kơđi čar, jơnum min bơwih ƀong huă hăng jơnum min mơnuih mơnam. Jơnum jơnum min kơđi čar, pơčrông 3 akŏ bruă: kơtưn pơgang hơđong tơlơi pơhing plang internet hăng pơgang mrô rơnoh anăp nao bruă pơgang internet amăng lăm hơjăn kual ASEAN; pơtrut bruă pơgang hơđong ană mơnuih lơ̆m mă yua mrô amăng kual ASEAN hăng kơtưn pơtom hiăp khua mua pơ ala mơnuih ƀôn sang amăng kual ngă hrom ASEAN.

 Grup khua mua pơ ala mơnuih ƀôn sang dêh čar Indonesia lăi pơthâo dơ̆ng akŏ bruă ječ ameč djru tơlơi pơhing ƀơi dêh čar Myanmar. Jơnum gah tơlơi bơwih ƀong huă: pơčrông 2 akŏ bruă. Anun lĕ: Kơtưn mut phung bơwih ƀong huă ASEAN kơnang kơ bruă mă yua mrô kơ djop sang bruă sĭ mơdrô anet, anet hloh hăng man ƀrô laih anun rŭ glăi tơlơi bơwih ƀong huă hơđong kjăp hlom bom.

Kơsem min hăng pơkra phrâo gơnam sĭ mơdrô bơwih brơi djop anŏ kiăng tơdơi kơ abih klin prong Covid 19. Jơnum gah bruă mơnuih mơnam pơtum nao 3 akŏ bruă. Kơtưn ngă hrom bruă mă mrô kơsem min anŏ bơblih ayuh hyiăng; Ba tơhnal pơkă pơđĭ kyar hơđong kjăp kiăng pok pơhai ngă tui ƀơi djop dêh čar; Tơlơi gơgrong ba mơ̆ng bruă mă pơčeh phrâo ia rơgơi djru ngă gêh gal kơ mơnuih ƀôn sang ngă hrom ruah khua lu hloh.

Nay Jek: Pơblang