VOV4.Jarai - Kiăng kơ hmao tlôn pơsur pran mă bruă kơ ƀing mơnuih glăk djru pơgang klin, amăng 2 hrơi mơng lơ 17 hăng 18/6, Khul pơlir mơnuih mă bruă mut phung tơring čar Daklak hơmâo nao čuă hăng ƀơk gơnam brơi hơdôm anom bruă djru pơgang klin Covid-19 amăng tơring čar.

Ƀơi hơdôm anih nao čuă, Khul hơmâo tơña bla, pơ alum pran jua, pơlăi nao rai tơlơi găn rơgao tơnap tap mơ̆ ƀing apăn bruă, ling tơhan, nai ia jrao, ơi ia jrao glăk bưp amăng hơdôm hrơi djru bruă pơgang klin ƀơi sang ia jrao, hơdôm anih wai pơgang, anih pơčlah mơnuih. Khul lăng yôm hăng pơpŭ bơni tơlơi gum pơgôp, tuh rơyuh pran jua mơng ƀing mơnuih apăn bruă, ling tơhan, nai ia jrao, ơi ia jrao, tơlơi pơgôp anai hrŏm hăng gong gai ƀon lan ngă klă hloh bruă pơgang klin. Ƀrô tal anai, Khul hơmâo jao rĭm anom bruă 5 klăk prăk.

Siu Đoan: Pơblang