VOV4.Jarai-Khul sang ia jrao kyâo bơrơkal mriah tơring čar Dak Lak phrâo lăi pơthâo khul rơdêh djru ječ ameč, pioh djru kơ bruă pơhlôm, pơgang klin covid 19. Tui hăng anun, khul rơdêh anai hơmâo 8 ding kơna, yua kơ Trần Văn Hùng, Kơ-iăng Khua khul rơdêh bán tải tơring čar Dak Lak ngă khua.

Khul rơdêh djru hmar amăng bruă pơhlôm pơgang klin ƀơi Dak Lak

Khul rơdêh anai djru pơgiăng añăm pơtam, boh troh, hơbơi pơtơi, gơnam yua kiăng ƀong huă kơ ƀing pơgang klin Covid 19 amăng tơring čar Dak Lak tui hăng tơlơi pơpha bruă mă, jao brơi mơ̆ng Khul sang ia jrao kyâo bơrơkal mriah pô pơpha. Truh ră anai, khul hơmâo djru hrom na nao hăng 10 boh rơdêh bán tải, laih anun hlăk ngă bruă pơgiăng đing oxy nao pơ djop sang ia jrao ling tơhan pơdong jăng jai hăng djru mơnuih ƀôn sang amăng tơring čar Dak Lak.

 Nay Jek: Pơblang