VOV4.Jarai - Čơtlăm lơ 16/11, ƀơi Hà Nội, pơphun Jơnum klah čun Jơlan hơdră gum hrom bruă kơplah wah Grŭp pơtô ba mơnuih ƀôn sang dêh čar hăng Grŭp mă bruă Ping gah Jơnum min djuai ania Rơwang mơng thun 2016-2020 hăng Kĭ pơkôl jơlan hơdră gum hrom bruă rơwang mơng thun 2021-2025. Ding kơna git gai Ping gah dêh čar, Khua Grŭp pơtô ba mơnuih ƀôn sang dêh čar ta yă Bùi Thị Minh Hoài hăng Khua Ding jum Jơnum min djuai ania Hầu A Lềnh gum hrom git gai jơnum. Amăng mông jơnum, dua bôh ƀirô hmâo pơlir hơbit laih jơlan hơdră gum hrom bruă mơng thun 2021-2025 hăng hơdôm bôh yôm phăn kah hăng: Kơsem min pơphô djru Ding jum kơđi čar, Grŭp git gai Ping gah kơ hơdôm hơdră pơtrun, hơdră bruă, jơlan gah bruă djuai ania. Bruă pơtô ba mơnuih ƀôn sang gum hrom neh wa djuai ania ƀiă amăng tơlơi phrâo; Pơphô brơi hơdră pơplih phrâo tơlơi pơmin, hơdră pơtrun mơng Ping gah bruă pơtô ba mơnuih ƀôn sang dô̆ hrom hăng neh wa djuai ania ƀiă tui pran jua Pơtrun pơsit Jơnum tal 13 mơng Ping gah./.

Siu H’ Prăk: Pô pơblang