VOV4.Jarai - Kiăng pơhlôm hơmâo apui yua amăng hrơi Čơkă thun phrâo hăng Tê̆t Nhâm Dần 2022, Grup bơwih ƀong apui lơtrik Việt Nam (EVN) kiăng hơdôm anom bruă  ƀu ngă ôh hơdôm bruă kiăng pơdơi, pơhrŏ trun apui lơtrik, ngă thăm apui lơtrik, rơngiao kơ bruă pơkra apui răm amăng amăng hrơi čơkă thun phrâo Tê̆t Dương lịch (mơng 12 mông jê̆ či mơguah lơ 31/12/2021 truh 12 mông mlăm lơ 3/1/2022), Tê̆t Nguyên đán Nhâm Dần 2022 (mơng 12 mông jê̆ či mơguah lơ 30/12/2021 truh abih 12 mông mlăm lơ 3/2/2022). Hrŏm hăng pơphun dŏ mă bruă, dŏ krăp pơkra apui hrơi mlăm amăng hrơi čơkă thun phrâo, hrơi tê̆t, EVN git gai hơdôm anom bruă prăp lui djŏp gơnam yua, măi mok dưi iâu nao rai, hăng rơdêh nao rai, amra dưi pơsir tañ tơdah hơmâo tơlơi truh. Lăng ba ƀing dŏ mă bruă amăng hrơi Tê̆t Dương lịch hăng Tê̆t Nguyên đán 2022. Amăng mông pơphun ngă, kơđiăng kiăo tui tơlơi pơtrun pơgang klin Covid-19 tui tơlơi git gai mơng Ding jum ia jrao, hơdôm anom bruă amăng tơring čar hăng tui tơlơi git gai mơng EVN.

Siu H’Mai: Pơblang