VOV4.Jarai - Khua dêh čar ta ơi Phạm Minh Chính phrâo git gai, kiăng pơplih phrâo amăng bruă mă yua boh thâo măi mok amăng pơgang klin Covid-19. Tui anun, hơdôm ứng dụng hơmâo Ding jum pôr pơhing jao brơi hơdôm anom bơwih ƀong sĭ mơdrô gah boh thâo măi mok amăng dêh čar, pơđĭ kyar amăng hrơi blan laih rơgao, amra jing ứng dụng mă yua amăng măi telephôn brơi mơnuih abih bang mơnuih lơ̆m nao hơdôm anih tum pơƀut lu mơnuih, djru kiăng tañ ĕp ƀuh mơnuih jê̆ giăm, mơng anun plai ƀiă kiăo tui ĕp mơnuih F1,F2 tui ră anai.

Khua dêh čar ta ơi Phạm Minh Chính

Pơ anăp anai, Ding jum ia jrao amra pơtrun hră pơ-ar pơsit kơ bruă mă yua hơdôm ứng dụng anai, kiăng kơ pơgang klin Covid-19. Tơdơi kơ jơnum lăng nao rai amăng tivi hrơi tom brơi (26/5) hăng 2 boh tơring čar Bắc Ninh hăng Bắc Giang, biă mă ñu tơdơi kơ hơmâo tơlơi git gai mơng Khua dêh čar kơ bruă kơtưn mă yua boh thâo măi mok amăng bruă pơgang klin Covid-19, Ding jum pôr pơhing hơmâo ba tơbiă, rơkâo khŏm mă yua ứng dụng ƀơi dêh čar Việt Nam.

Siu Đoan: Pơblang