VOV4. Jarai - Mơguah lơ 16/11, ƀơi Hà Nội, pơphun Jơnum bruă prăk kăk Việt Nam 2021 hơmâo anăn “hơdră bruă gah prăk kăk rơwang thun 2021-2030 hăng hơdôm tơlơi pơsir kiăng dưi rŭ glăi hăng pơđĭ kyar bơwih ƀong huă Việt Nam”. Pok pơphun mông jơnum, Kơ-iăng khua ding jum prăk kăk Võ Thành Hưng lăi, tơdơi kơ giăm 10 thun ngă tui Hơdră pơđĭ kyar prăk kăk truh thun 2020, prăk kăk dêh čar ta hơmâo tơlơi pơplih rơđah rơdông hăng hơmâo lu tơlơi dưi ngă. Khă hnun, Việt Nam ăt bưp mơn hơdôm tơlơi aka ƀu djơ̆ kah hăng: ngă bơkơnar prăk kăk tơnap, biă ñu amăng mông hơmâo klin Covid-19; tơlơi glêh tơnap bruă pơđĭ mrô prăk djru kơ tơlơi hơdip mơnuih ƀon sang, wai pơgang lŏn ia...Yua hnun, Kơ-iăng khua Ding jum prăk kăk Võ Thành Hưng čang rơmang, hơdômm tơlơi pơtô ba mơng ƀing rơgơi kơhnâo amăng dêh čar ta hăng čar rơngiao amra djru čih pơkra hơdră ngă bruă phrâo dưi đĭ kyar amăng bruă ngă tui hơdră pơđĭ kyar dêh čar rơwang thun 2021-2030, ngă giong djŏp tơlơi pơsir bruă prăk djru rŭ pơđĭ kyar tơlơi bơwih ƀong amăng rơwang thun pơ anăp.

Siu H’Mai: Pơblang