VOV4.Jarai-Ƀơi anăp kơ klin kheng ƀă hyu tơnap tap, hăng mrô mơnuih ƀă Covid 19 jai hrơi lu, amăng lơ 5/1, Khua Jơnum min mơnuih ƀôn sang plơi prong Đà Lạt, Lâm Đồng akŏ pơjing 16 grup ơi ia jrao hyu pơjrao pơ djop anih amăng plơi pla, truh pơ djop să, phường amăng plơi prong. Yă Trần Thị Vũ Loan, Kơ-iăng Khua Jơnum min mơnuih ƀôn sang plơi prong Đà Lạt brơi thâo, bruă akŏ pơjing khul grup ia jrao hyu pơjrao tơl sang, plơi pla sa bruă kiăng biă mă pioh wai lăng hăng pơjrao kơ mơnuih ƀôn sang ƀă klin Covid 19 dŏ pơjrao amăng sang anŏ, laih dơ̆ng ngă tui bruă pơgang klin tui hluai tơlơi gêh găl ƀơi kual plơi pla yua klin Covid 19 ƀă hyu tơnap tap.

Yap truh ră anai, plơi prong Đà Lạt hơmâo čih pioh 2.200 čô mơnuih ƀă klin Covid 19, amăng anun lu mơnuih pơjrao suaih laih hăng glăi pơ sang anŏ. Ră anai, dŏ 784 čô mơnuih hlăk dŏ pơjrao, amăng mrô anai hơmâo rơbêh 400 čô mơnuih dŏ pơjrao pơ sang anŏ; 8/16 boh să, phường amăng plơi prong klin hŭi rơhyưt hnong mrô 3 jing hnong kơtang hloh pơkă anŏ hŭi rơhyưt mơ̆ng klin Covid 19.

Nay Jek: Pơblang