VOV4.Jarai - Ƀơi sang bruă Kơnuk kơna, Kơ-iăng khua dêh čar Lê Văn Thành hơmâo bưp ră ruai tom Kơ-iăng khua git gai pơ ala mơnuih ƀon sang dêh čar Lao Xổm-mạt Phôn-xể-na ƀrô hrơi ñu kiăo tui djru Khua git gai pơ ala mơnuih ƀon sang dêh čar Lao Saysomphone Phomvihane sit nik rai čuă dêh čar ta. Kơ-iăng khua dêh čar ơi Lê Văn Thành lăi, Ping gah, Kơnuk kơna hăng mơnuih ƀon sang Việt Nam lăng yôm bruă hơkrŭ tui hăng pơđĭ tui tơlơi ngă gŏp yôm hăng ngă hrŏm amăng abih bang bruă kơplah wah Việt Nam hăng Lao. Kơ-iăng khua dêh čar ơi Lê Văn Thành pơsit, hăng tơlơi gơgrong bruă, ñu amra ngă abih pran jua đah mơng hơkrŭ pơđĭ tui tơlơi rô nao rai hơmâo akŏ pơjing mơng rơnuk khua mua mơng hlâo. Ơi Xổm-Mạt Phôn-Xể-Na brơi thâo, anai lĕ tal rai čuă Việt Nam blung a lơ̆m ñu ngă Kơ-iăng khua git gai pơ ala mơnuih ƀon sang dêh čar Lao; ñu bơni kơ Ping gah, Kơnuk kơna hăng mơnuih ƀon sang Việt Nam lêng gong yua, djru ba Lao, biă ñu Ping gah, kơnuk kơna hăng mơnuih ƀon sang Việt Nam djru man pơdong Sang bruă Khua git gai pơ ala mơnuih ƀon sang dêh čar phrâo brơi kơ Ping gah, Ƀirô khua git gai pơ ala mơnuih bon sang, Kơnuk kơna hăng mơnuih ƀon sang dêh čar Lao.

Siu H’Mai: Pơblang