VOV4.Jarai - Mơguah lơ 15/12, ƀơi Ƀirô Kơnuk kơna, Kơ-iăng khua dêh čar ơi Lê Văn Thành git gai mông jơnum lăng nao rai mơng ataih kiăng kơ pel ĕp, pơtrut pơsur, pơsir hĭ tơnap tap, gun găn, pơtrut tañ bruă jao prăk čan tuh pơ alin bruă čar thun 2021. Tui hră lăi pơthâo mơng Ding jum prăk kak, hăng 12 ding jum, anom bruă gơnong glông hăng ƀon lan lĕ hơdôm anom bruă amra pel ĕp, truh lơ 30/11/2021 hơmâo jao prăk čan giăm 28 rơbâo klai, kơnong dưm dưm 36%. Sa, dua ding jum, anom bruă gơnong glông hăng ƀon lan pơphun jao prăk aset đôč: Ding jum si mơdrô, Ding jum man pơdong, ƀôn prong Hồ Chí Minh…Sit biă ñu, ăt dŏ ƀuh sa, dua ding jum, anom bruă gơnong glông hăng ƀon lan aka ƀu kah pha prăk kak tui tơlơi tơlơi črâo trun. Hăng hơdôm rơnoh prăk ƀơi ƀon lan, dŏ 12 boh ƀon lan aka ƀu kah pha prăk tui tơlơi pơtrun mơng Khua dêh čar jao. Amăng mông jơnum, djop ding jum, anom bruă gơnong glông hăng ƀon lan, rơkâo hơdôm bruă bơdjơ̆ nao akŏ bruă thun 2021 lĕ rơkâo brơi tŏ tui akŏ bruă mă yua prăk tuh pơ alin bruă čar thun 2021 amăng thun 2022 dong.

Siu Đoan: Pơblang