VOV4.Jarai - Kơ-iăng khua dêh čar ơi Lê Văn Thành phrâo nao pel ĕp kơ bruă man pơkra Sang măi drai ia apui lơtrik Hoà Bình pok prong amăng bơyan glăk hơjan hlim sui hrơi laih rơgao. Tơdơi kơ nao pel ĕp tơl anih, Kơ-iăng Khua dêh čar ơi Lê Văn Thành hăng grup hyu mă bruă hơmâo mông jơnum hrŏm hăng khua mua djop ding jum, gơnong bruă, tơring čar Hoà Bình, Grup apui lơtrik Việt Nam.

Kơ-iăng khua dêh čar ơi Lê Văn Thành hmư̆ lăi pơthâo bruă man pơkra

Đĭ pơhiăp pơđut mông mă bruă, Kơ-iăng Khua dêh čar ơi Lê Văn Thành brơi thâo, bruă lŏn tơhlŏm yua hơjan amăng sui hrơi laih rơgao, anai lĕ yua mơng ayuh hyiăng laih dong ha bơnah lĕ ăt bơdjơ̆ nao bruă man pơkra dong. Kơ-iăng Khua dêh čar rơkâo kiăng pơhlôm rơnuk rơnua brơi ring bruă drai ia apui lơtrik Hòa Bình, biă mă ñu lĕ pơhlôm brơi dơnao ia; djă pioh anŏ hiam, pơhlôm kjăp, biă mă nu lĕ Gong kut Wa Hồ. Amăng hrơi blan man pơkra, kiăng pơhlôm rơnuk rơnua brơi mơnuih mă bruă.

Siu Đoan: Pơblang