VOV4.Jarai - Tlam lơ 9/12, ƀơi Ƀirô Kơnuk kơna, Kơ-iăng khua dêh čar ơi Phạm Bình Minh git gai mông jơnum pơčrông sai kơ bruă pok glăi jơlan por pơgiăng hyu tuai amăng jar kmar dong mơng lơ 15/12 tui tơlơi rơkâo mơng Ding jum wai lăng jơlan glông. Ding jum ania rơkâo pơphun glăi 2 rơwang kiăng kơ pok glăi jơlan por pơgiăng hyu tuai amăng jar kmar mut rai dêh car Việt Nam. Kơ-iăng khua dêh čar ơi Phạm Bình Minh brơi thâo, kiăng kơ ruah sa, dua boh dêh čar dưi pơgang hĭ laih klin. Ƀing tuai mut rai dêh čar Việt Nam lơ̆m đĭ hơdôm rơdêh por kiăng pơhlôm amăng bruă pơgang klin; tlâ̆o 2 ară vaccine, ƀudah pơjrao suaih lơ̆m ƀă klin Covid-19, pơčrang lăng hăng PCR huă ƀă klin amăng 72 mông hlâo kơ đĭ rơdêh por. Kơ-iăng Khua dêh čar ăt rơkâo kiăng hơmâo plang wai lăng bruă phaih gah ia jrao brơi mơnuih mut rai dêh čar mă yua kiăng kơ ngă gêh gal amăng bruă pơhlôm pơgang klin.

Siu Đoan: Pơblang