VOV4.Jarai -  Čơtlăm lơ 14/9, ƀơi ƀirô mă bruă Kơnuk kơna, Kơ-iăng Khua dêh čar ơi Vũ Đức Đam git gai bruă jơnum hăng hơdôm ding jum gơnong bruă hăng ƀing juăt bruă ia jrao kơ tơlơi kơsem min, jao glăi hơdră pơkra jrao, yua lông lăng, pơkra ia jrao, vaccine pơgang Covid-19. Amăng mông jơnum, khua pơ ala kơ Ding jum ia jrao brơi thâo, pơkă hlâo hrơi anai (15/9) amra gum hrom Khul lăi pơthâo pơsit hră pơphun jơnum kiăng pel ĕp pơsit hră ječ hăng vaccine Nanocovax. Pơhiăp amăng mông jơnum, Kơ-iăng Khua dêh čar ơi Vũ Đức Đam rơkâo Ding jum ia jrao git gai mông jơnum hăng Khul kơnuih pran jua lŏn ia hăng Khul gum lăi pơthâo pơsit hră pơ-ar kiăng yua pioh ba tơbiă hơdôm tơlơi pơtă kơ vaccine pơgang Covid-19. Kơ-iăng Khua dêh čar ơi Vũ Đức Đam pơtă Ding jum ia jrao tañ ngă giong glông bruă lông lăng hăng pơsir tơlơi dưi pô ia jrao Molnupiravir pơjrao Covid-19./.

Siu H’ Prăk: Pô pơblang