VOV4.Jarai  Lơ 27/9, Kơ-iăng khua dêh čar ta ơi Vũ Đức Đam mă bruă hăng Khua mua ƀon prong Hồ Chí Minh kơ bruă pơgang klin Covid-19, pơgôp hiăp amăng Tơlơi črâo trun pơplih hơdôm hơdră bruă kiăng kơ pơphun kiăo tui hrŏm hăng pơgang klin Covid-19 hăng hơkrŭ glăi tơlơi bơwih ƀong huă dong mơng lơ 1/10. Kơ-iăng khua dêh čar ta lăi pơtong, ƀôn prong Hồ Chí Minh kiăng kơ ngă tui kjăp amăng bruă pơgang klin, pơplih brơi lăp djơ̆, ƀơƀrư̆ hơkrŭ glăi tơlơi bơwih ƀong huă sĭ mơdrô, tañ ba tơlơi hơdip pơwŏt glăi tui hơđăp samơ̆ ăt kơđiăng pơgang klin.

Kơ-iăng khua dêh čar ơi Vũ Đức Đam

Ƀôn prong kiăng kơ tañ lăng glăi bruă pơgang klin amăng ƀôn prong, biă mă ñu lĕ amăng tal pơčrang lăng djop anih laih rơgao tui tơlơi git gai mơng Khua dêh čar, mơng anun, lăng glăi bruă pơčrang lăng, hăng mrô mơnuih amra ƀă klin ƀơi hơdôm anih amuñ hơđuh đĭ klin. Kơ-iăng khua dêh čar brơi thâo, amăng hơdôm hrơi pơwŏt glăi. Ƀôn prong kiăng kơ đing nao pơphun glăi bruă mă ƀơi hơdôm sang măi, anom bơwih ƀong sĭ mơdrô pơprong, anom pơkra pơjing gơnam măi mok, hăng sa, dua anom bơwih brơi tuai akŏ phun.

Siu Đoan: Pơblang