VOV4.Jarai - Kơ-iăng khua dêh čar ơi Vũ Đức Đam, Khua khul git gai pơgang klin Covid-19 git gai mông mă bruă lăng nao rai mơng ataih amăng grup mă bruă yôm phăn mơng Kơnuk kơna, jơnum lăng nao rai mơng ataih hăng Khua mua ƀôn prong Hồ Chí Minh, Kơ-iăng khua dêh čar ơi Vũ Đức Đam lăi pơtong, ƀôn prong kiăng kơ tŏ tui ngă klă amăng bruă pơjrao brơi mơnuih ƀă klin Covid-19 glăk ruă kraih, kiăng kơ plai ƀiă mơnuih djai. Kơnong hăng ƀing shiper, mơnuih ba hyu gơnam glăk bưp tơnap tap, kah hăng ƀing mơnuih čan prăk sang bruă prăk kiăng kơ hơmâo rơdêh mă bruă, ƀôn prong Hồ Chí Minh kiăng kơ hơmâo hơdră djru brơi ƀing mơnuih čan prăk hăng hơdôm anom bruă brơi čan prăk. Bơdjơ̆ nao ƀing shiper bưp tơnap tap amăng bruă tla hnưh tui kơ-iăng khua dêh čar ơi Vũ Đức Đam lăi thâo, ƀôn prong ƀuăn amra ngă tui djơ̆ hơdôm tơlơi rơkâo mơng Kơ-iăng khua dêh čar ơi Vũ Đức Đam, blung hlâo pơsir hĭ tơnap amăng tla hnưh brơi kơ ƀing shiper hăng ƀing mơnuih pơkŏn.

Siu Đoan: Pơblang