VOV4.Jarai - Ƀơi mông jơnum lăng nao rai amăng tivi hăng 2 boh tơring čar Bắc Ninh hăng Bắc Giang tlam tom  brơi lơ 7/6, Kơ-iăng khua dêh čar ơi vũ Đức Đam, Khua git gai bruă dêh čar kiăng tơring čar Bắc Ninh hăng Bắc Giang kơđiăng hloh dong hăng anih phrâo hơmâo klin ƀơi Kông ti AAC. Ƀơi Bắc Ninh, hơmâo 3 anih ăt dŏ hơmâo đôč mơnuih phrâo ƀă klin Covid-19, anun lĕ tơring glông Thuận Thành, tơring glông Quế Võ hăng plơi prong Bắc Ninh. Ƀơi anăp bruă ƀơi Thuận Thành him lăng amra hơmâo 58 boh plơi pơplih mơng guang dar jing pơčlah abih bang hlao, Kơ-iăng khua dêh čar ơi Vũ Đức Đam pơtă hlâo ƀu dưi pơ-ai ôh. Truh ră anai, ƀơi Bắc Giang, dưi laih pơgang klin lar hyu lơ̆m 5.800 čơđeh ia khak ia adung hơmâo pơčrang lăng ƀơi tơring glông Việt Yên huăi ƀuh kman ôh. Kơ-iăng khua dêh čar ơi Vũ Đức Đam lăi, bruă wai lăng kơjăp amăng anih dŏ pơčlah, anih guang dar lĕ yôm biă mă, anih ƀơi thơ gong gai, ping gah ngă klă bruă pơgang klin lĕ anih anun hơđong laih anun tañ dưi pơgang klin.

Siu H’Mai: Pơblang