VOV4.Jarai - Kơ-iăng khua dêh čar ơi Vũ Đức Đam phrâo ngă bruă hăng khua mua kuâ̆n 6, 7, tơring glông Bình Chánh (ƀon prong Hồ Chí Minh) kơ bruă prăp lui brơi pơčlah abih bang mơnuih tui Tơlơi pơtrun mrô 16/CT-TTg. Rơngiao kơ bruă Khua dêh čar lăi rơđah amăng mông jơnum lăng amăng tivi mơguah lơ 8/7, Kơ-iăng khua dêh čar ơi Vũ Đức Đam pơtă pơtăn kơ ƀon prong Hồ Chí Minh 4 mơta tơlơi amăng hrơi mông pơčlah abih bang tui tơlơi pơtrun mrô 1/CT-TTg. Amăng anun, ƀon prong Hồ Chí Minh khŏm pơsit rơđah tơlơi ngă klă hăng mrô pơkă prong hloh, kơtang hloh kiăng tơdơi 15 hrơi khŏm hơmâo kual rơnuk rơnua, kual abih klin amăng plơi prong truh pơ kuâ̆n, tơring glông hăng truh pơ să, phường.

Kơ-iăng khua dêh čar Vũ Đức Đam pơtă kơ ƀon prong Hồ Chí Minh amăng bruă ngă tui tơlơi pơtrun 16.

Kiăng dưi ngă, kar hăng amăng sa hơdră ngă bruă, ƀon prong khŏm hơmâo “hơdră pơsir bruă” hrim hrơi, tơlơi kiăng dưi ngă, hơdôm bruă mơ̆ gong gai, anom bruă, anom bơwih ƀong, mơnuih ƀon sang kiăng ngă. Lăi pơthâo rơđah hơdră bruă anai kơ mơnuih ƀon sang thâo hăng ngă tui.

Siu H’Mai: Pơblang