VOV4.Jarai - Anom bruă Kơnuk kơna phrâo hơmâo hră lăi glăi tơlơi git gai mơng Kơ-iăng khua dêh čar - Khua git gai bruă pơgang klin Covid-19 dêh čar ta kơ sa, dua tơlơi kiăng kơđiăng amăng bruă pơhlôm, pơgang klin Covid-19. Tui anun, Ding jum ia jrao, anom bruă, tơring čar kiăng lăng glăi abih hră pơ-ar git gai, črâo bruă kiăng tañ thâo, mă yua lăp djơ̆ hăng tơlơi hơmâo ră anai; kiăo tui klin kheng tơdu kơtang hiư̆m pă, hăng tơlơi prăp lui pơgang klin, pơtô ba hơdôm tơring tơrang čih pơkra hơdră pơgang; lăi pơthâo tañ, thâo tañ hơdôm mơta gơnam yua, ia jrao gun pioh pơgang klin kiăng hơdôm tơring čar ƀon prong blơi mă, kiăng tui tơlơi pơtrun “4 ƀơi anih”; git gai anom bruă pơten glăi vaccine djơ̆ tơlơi pơtrun, hmao tlôn; pơtô ba, djru bruă ngă hră pơ-ar mơng hơdôm khul grup, anom bơwih ƀong blơi ƀudah čơkă mă vaccine arăng djru. Pơđĭ tui bruă pôr pơhing, pơhlôm rơđah rơđông kiăng hơmâo abih bang mơnuih gum djru pơgang klin klă hloh.

Siu H’Mai: Pơblang