VOV4.Jarai - Tlam tom brơi 9/7, git gai jơnum lăng nao rai mơng ataih kơplah wah Khul git gai dêh čar hăng 2 boh tơring čar Phú Yên hăng Khánh Hoà, Kơ-iăng khua dêh čar ta ơi Vũ Đức Đam, Khua khul git gai pơtă pơtăn 2 boh tơring čar kiăng kơ ngă tui khut khăt hơdôm hơdră pơgang klin Covid-19 amăng kual guang dar hăng pơčlah mơnuih mơnam, ngă tui tơlơi pơtrun guang dar, pơčlah tui hluai anih samơ̆ wai pơgang kjăp klă hloh hăng bruă guang dar prong djop anih samơ̆ pơtah pơtai.

Amăng ha wŏt hrơi tơjuh giăm anai, mrô mơnuih ƀă klin amăng tơring čar Phú Yên đĭ lu tui, dưm dưm hơmâo mơng 30-40 čô. Ră anai Phú Yên hơmâo ngă tui hơdră pơčlah mơnuih mơnam tui tơlơi črâo trun mrô 16 amăng đơ đam tơring čar. Hăng giăm 190 čô mơnuih ƀă klin Covid-19, tơring čar Khánh Hòa pơsit ngă tui hơdră pơčlah mơnuih mơnam tui tơlơi črân trun mrô 16 ƀơi plơi prong Nha Trang, tơring kual Ninh Hòa hăng tơring čar Vạn Ninh. Ƀơi anăp kơ bruă 2 boh tơring glông Phú Yên hăng Khánh Hòa hơmâo ngă tui hơdră guang dar hăng pơčlah mơnuih mơnam tui hluai tơlơi sit nik, Kơ-iăng khua dêh čar ta ơi Vũ Đức Đam pơtă pơtăn tơlơi yôm phăn ră anai lĕ guang dar, pơčlah mơnuih mơnam brơi djơ̆ hăng kjăp hloh.

Siu Đoan: Pơblang