VOV4.Jarai -  Mơguah lơ 18/10, ƀơi Hà Nội, Kơ-iăng Khua dêh čar ta ơi Vũ Đức Đam, Kơ-iăng Khua Grŭp črâo ba pơgang pơgăn klin Covid-19 dêh čar ta mă bruă hăng Ding jum kơsem min bôh thâo phrâo hăng hơdră phrâo măi mok kơ pơsit jơlan gah hăng jơlan gah bôh thâo phrâo măi mok djru kơ bruă pơgăn klin. Amăng mông jơnum, ƀing khua pơ ala pơsit tơlơi djru klă mơng Bôh thâo măi mok amăng bruă pơgang, pơgăn klin Covid-19. Pơ̆ anăp anai, gơnong bruă kơsem min khom kơsem min dong vaccine hăng ia jrao pơjrao tơlơi ruă, hơdôm jơlan gah pơčrang lăng phrâo; kơsem min bruă pơkă kit pơkă lăng hăng bruă pơgang klin ruă pok pơhai hơdôm bruă kơsem min pơsit bơdjơ̆ nao tơlơi bơwih ƀong mơnuih mơnam hăng hơdôm tơlơi rơkâo hăng pok pơhai hơdôm hơdră bruă pơtô pơhrăm, bruă ia jrao, bôh thâo amăng rơwang phrâo. Sa dua čô khua pơ ala lăi lĕ, kiăng hmâo bruă mă tañ lom tuh pơplai kơsem min pơđĭ kyar hơdră phrâo pơgang pơgăn klin hăng mă yua pơtô glăi hơdră phrâo; hơdră pơkă hơdră bruă ngă pơhư̆č ngăn rơnoh kơsem min hơdră phrâo, jơlan gah pơgang, pơgăn klin./.

Siu H’ Prăk: Pô pơblang