VOV4.Jarai - Pơhiăp ƀơi mông jơnum pơčrông sai bruă lăng nao rai amăng tivi Anom git gai bruă pơgang klin Covid-19 ƀon prong Hồ Chí Minh lơ 2/7, Kơ-iăng khua dêh čar ơi Trương Hòa Bình kiăng ƀon prong lăng glăi abih tơlơi pơkă rơnuk rơnua pơhlôm pơgang klin Covid-19 ƀơi abih bang bruă, kual, anih anom kiăng thâo rơđah hăng pok pơhai bruă tŭ yua, gir truh abih blan 7/2021, klin tơdu trun, truh blan 8/2021 dưi pơgang klin. Tui hăng Kơ-iăng khua dêh čar ơi Trương Hòa Bình, hơdôm boh kuâ̆n, tơring glông ƀơi ƀon prong kiăng tui klin hơmâo ƀơi rim kual mơ̆ wai lăng, pơplih hơdră pơgang lăp djơ̆, brơi mơnuih dŏ pơčlah; dưi mă yua tơlơi pơtrun mrô 10 mơng Jơnum min mơnuih ƀon sang ƀon prong Hồ Chí Minh ƀudah mă yua Tơlơi pơtrun 16 mơng Khua dêh čar tơdah kiăng. Rơngiao kơ anun, kiăng pơtrut đĭ tơlơi gơgrong bruă mơng Anom git gai pơgang klin Covid-19 mơng hơdôm boh kuâ̆n, tơring glông, grup pơgang Covid-19 hluai tui bruă pel ĕp, wai lăng hăng bơtơhmal ƀing ngă soh glăi tơlơi pơtrun pơgang klin mơng ƀon prong.

Siu H’Mai: Pơblang