VOV4.Jarai - Lơ 22/12, Kơ-iăng Khua dêh čar ta, ơi Vũ Đức Đam git gai Jơnum lăng nao rai mơng ataih đơ đam dêh čar pok pơhai ngă tui Tơlơi phiăn pơgang, pơgăn ma túy thun 2021; bruă pơgang pơgăn klin Covid-19 hăng pơhlôm hơđong braih pơdai. Pơhiăp amăng mông jơnum, Kơ-iăng Khua dêh čar ta, ơi Vũ Đức Đam lăi rơđah: Khă hơdôm hrơi rơgao, bruă pơgang, pơgăn ma túy hmâo ba glăi bôh tơhnal klă samơ̆ ăt dô̆ mơn tơlơi amra truh prong. Yua anun, hơdôm tơring čar, ƀôn prong khom pok pơhai dong hơdôm bruă pơgang, pơgăn ma túy djơ̆ hăng bôh nik ƀơi plơi pla pô. Kơ-iăng Khua dêh čar ta, ơi Vũ Đức Đam lăi lĕ, bruă anai ƀu kơnong kơ mơng ha jăn khul kông ang, ling tơhan pơgang guai lŏn ia, bruă ia jrao, mơnuih mă bruă ling tơhan rơka ruă hăng mơnuih mơnam ôh mơ̆ jai hrơi rơđah mơng khul sang phăt kơđi, ƀirô mă gah bruă phiăn, biă ñu hơdôm khul grŭp amăng pơsur pơgang, pơgăn, hơdôm lăi pơthâo dŏ dŏng ƀong huă, samơ̆ khom tơpă hăng mơnuih gơñ hot jrao. Amăng mông jơnum, ƀing khua pơ ala ăt hmư̆ mơn sa dua bruă pơgang pơgăn klin Covid-19 ƀơi plơi pla; pơhlôm hơdjă gơnam ƀong huă amăng tal tết tui phiăn juăt./.

Siu H’ Prăk: Pơblang