VOV4.Jarai - Mơguah tom brơi lơ 20/7, Kơ-iăng khua dêh čar ơi Vũ Đức Đam ba jơlan grup khua mơng Kơnuk kơna nao čuă, ngă bruă, sem lăng bruă pơhlôm pơgang klin Covid-19 ƀơi Bình Dương. Anih blung a ƀing khua nao lăng lĕ Kông ti TNHH Yazaki EDS Việt Nam ƀơi plơi prong Dĩ An. Kông ti glăk ngă tui hơdră “3 ƀơi anih” (ƀong huă- đih pit - ngă bruă ƀơi sang măi) kơ giăm 400 čô kông ñơn kiăng pơhlôm pơkra gơnam hăng pơgang klin Covid-19. Mơng bruă nao lăng, Kơ-iăng khua dêh čar kiăng hơdôm boh kông ti ƀơi tơring čar Bình Dương lơ̆m ngă tui hơdră “3 ƀơi anih” khŏm lăi pơthâo abih bang tơlơi čih pioh kơ ƀing kông ñơn kơ gong gai thâo kiăng ngă bruă amuñ hơdeč hmar amăng bruă ĕp kru mơnuih ƀă kman tơdah anom bơwih ƀong hơmâo mơnuih ƀă kman, đing đăo ƀă kman. Či tlam, Kơ-iăng khua dêh čar ơi Vũ Đức Đam hrŏm hăng grup khua mơng Kơnuk kơna jơnum hăng khua mua tơring čar Bình Dương kơ bruă pơgang klin.

Siu H’Mai: Pơblang