VOV4.Jarai - Tlam lơ 17/11, Kơ-iăng khua git gai pơ ala mơnuih ƀon sang dêh čar ơi Trần Thanh Mẫn hrŏm hăng ƀing khua pơ ala mơnuih ƀon sang dêh čar tal 15 tơring čar Hậu Giang hơmâo mông bưp ƀing kư tri ƀơi plơi prong Vị Thành, tơring glông Vị Thủy, Châu Thành hăng Châu Thành A. Ƀơi mông bưp, ƀing kư tri tŭ ư, lăng yôm biă tơlơi dưi ngă amăng mông Jơnum lok 2, Khua mua git gai pơ ala mơnuih ƀon sang dêh čar tal 15; laih dong lăi glăi, rơkâo hăng ƀing khua lu mơta tơlơi.

Pơhiăp ƀơi mông bưp mơnuih ƀon sang, Kơ-iăng khua git gai pơ ala mơnuih ƀon sang dêh čar ơi Trần Thanh Mẫn djă pioh hăng bơni biă hơdôm tơlơi dưi ngă mơng tơring čar Hậu Giang amăng thun blan rơgao, laih dong thâo hluh kơ hơdôm tơlơi tơnap tap, tơlơi lông bơbeč djơ̆ tơlơi bơwih ƀong huă mơnuih mơnam ƀơi anai. Kơ hơdôm tơlơi rơkâo mơng kư tri hăng bruă ia jrao, Kơ-iăng khua git gai pơ ala mơnuih ƀon sang dêh čar lăi pơhmư̆, Kơnuk kơna amra hơmâo hră pơtrun Bruă pơgang klin covid-19, sem lăng, ba măi mok, gơnam yua gah ia jrao pơmut amăng anăn kiăng wai lăng nua, ngă hơđong nua. Hơmâo hơdră ngă bruă klă đah mơng huăi hơmâo tơlơi phara bruă khăm pơjrao tơlơi ruă ƀơi djŏp sang ia jrao, kual plơi pla.

Siu H’Mai: Pơblang