VOV4.Jarai - Ƀơi anăp kơ tơlơi tơnap tap mơng klin kheng, hơjan kơthel, kiăng kơ djop gưl Ping gah, gong gai tơring čar Quảng Ngãi khut khăt dong amăng bruă git gai, ngă tui hơdôm hơdră bruă lăp djơ̆ kiăng pơđĭ kyar bơwih ƀong huă mơnuih mơnam. Anai lĕ tơlơi git gai mơguah lơ 17/11 mơng Thượng tướng Trần Quang Phương, Kơ-iăng Khhua git gai pơ ala mơnuih ƀon sang dêh čar amăng jơnum lok 5, Khul pơ ala mơnuih ƀon sang tơring čar Quảng Ngãi tal XIII, rơwang thun 2021-2026. Amăng tal jơnum rơnuč thun anai đing nao pơčrông sai, tŭ ư ngă tui 9 tơlơi pơsit, pok pơhai hơdôm tơlơi pơkă mơng gơnong glông, Khul apăn bruă Ping gah tơring čar, Khul git gai Ping gah tơring čar djơ̆ hăng tơlơi sit nik amăng ƀon lan. Đĭ pơhiăp amăng mông jơnum tal anai, Thượng tướng Trần Quang Phương, Kơ-iăng Khua git gai pơ ala mơnuih ƀon sang dêh čar brơi thâo, tơring čar hơmâo hơdôm hơdră bruă lăp djơ̆, hmao tlôn kiăng pơsir hĭ hơdôm bruă ngă bơngŏt mơnuih ƀon sang, đing nao pơsir hĭ hơdôm bruă bơdjơ̆ nao tơlơi hơdip mơnuih mơnam, ayuh hyiăng rơhuông adai. Kơ-iăng khua git gai pơ mơnuih ƀon sang dêh čar čang rơmang tơring čar amra ba glăi tơlơi dưi prong prin pơ anăp anai.

Siu Đoan: Pơblang