VOV4.Jarai - Lơ 9/6, ơi Phạm S - Kơ-iăng khua Jơnum min mơnuih ƀon sang tơring čar  Lâm Đồng hơmâo nao pel ĕp kơ bruă pơgang klin ƀơi tơring glông Đức Trọng, Lâm Hà. Ƀơi tơring glông Đức Trọng, grup hyu mă bruă hơmâo pel ĕp anih wai pơgang klin Covid-19 ƀơi tơdron rơdêh por Liên Khương (tơring kual Liên Nghĩa) hăng jơlan mrô 28B, giăm hăng Bình Thuận (să Ninh Loan). Mơng pel ĕp, ơi Phạm S hơmâo tŭ yap hơdôm anih wai pơgang klin hơmâo ngă tui khut khăt, abih pran jua hăng ngă gêh gal hloh brơi kơ mơnuih ƀon sang dưi phiah gah ia jrao pioh pơgang klin Covid-19 lơm găn nao anih dŏ gak. Ƀơi tơring glông Lâm Hà, tui lăi pơthâo mơng khua tơring glông, bruă pơgang klin Covid-19 amăng tơring glông hơmâo pơphun kjăp hăng khut khăt tui hră pơtrun mơng gơnong glông, tơring čar. Ơi Phạm S rơkâo tơring glông Lâ Hàm tŏ ngă tui tơlơi git gai mơng gơnong glông, tơring čar; amăng anun, hơdôm tơlơi pơtrun phrâo kơ kual pơčlah tui tơlơi črâo trun mrô 15 hăng kual pơčlah tui tơlơi črâo trun mrô 16 yua anun tơring glông, să kiăng đing nao dong.

Siu Đoan: Pơblang