VOV4.Jarai - Anăp nao hrơi pơpŭ kơ ƀing na pơtô Việt Nam, tlam lơ 18/11, ƀơi Ƀirô Khua mir sir, Kơ-iăng Khua mir sir yă Võ Thị Ánh Xuân bưp ƀô̆ mơta ƀing nai pơtô ba gru ƀrô hrơi nao pơhmư̆ hrŏm jơlan hơdră “Mut hrŏm hăng nai pơtô” thun 2021. Đĭ pơhiăp amăng mông bưp ƀô̆ mơta, Kơ-iăng khua mir sir yă Võ Thị Ánh Xuân hơmâo mơ-it tơlơi pơpŭ hiam klă hloh kơ abih bang nai, ƀing mơnuih apăn bruă amăng gơnong bruă pơtô pơjuăt amăng đơ đam dêh čar lăi hrŏm hăng ƀing nai nao jơnum bưp ƀô̆ mơta hnun mơn ƀrô hrơi pioh pơpŭ kơ ƀing nai pơtô Việt Nam lơ 20/11. Kơ-iăng Khua mir sir ăt lăi nao hơdôm tơlơi tơnap tap, yua bơbeč mơng klin Covid-19 nao kơ ƀing nao pơtô hăng gơnong bruă pơtô pơjuăt. Samơ̆, hăng pran gơgrong “Pơdơi jang jai nao sang hră, samơ̆ ăt ƀu pơdơi bruă pơtô hrăm”, gơnong bruă pơtô pơjuăt hơmâo hơdôm bruă pơplih phrâo amăng pơtô hrăm, pơphun pơplông, pơphun mut sang hră pơhlôm rơnuk rơnua amăng hrơi blan hơmâo klin.

Siu Đoan: Pơblang