VOV4.Jarai - Kơ-iăng khua mir sir dêh čar ta yă Võ Thị Ánh Xuân hrŏm hăng grup hyu mă bruă phrâo nao čuă, ƀơk gơnam ƀơi anih wai pơgang klin Covid-19 ter hăng ia rơsĭ hăng anih wai pơgang klin kơtuai tui jơlan guai lŏn ia ƀơi puih tơhan wai pơgang guai lŏn ia amăng jang kmar jar Hà Tiên laih dong mă bruă hăng Khua git gai tơring čar Kiên Giang kơ bruă pơgang klin Covid-19.

Kơ-iăng khua mir sir mă bruă hăng tơring čar Kiên Giang kơ bruă pơgang klin

Ƀơi anih nao čuă, Kơ-iăng khua mir sir dêh čar ta yă Võ Thị Ánh Xuân tơña bla tơlơi suaih pran, tơlơi hơdip hăng bruă mă mơng ƀing apăn bruă, ling tơhan djru pơgang klin ƀơi guai lŏn ia ta. Kơ-iăng khua mir sir dêh čar ta pơpŭ hăng lăng yôm hơdôm tơlơi gir run găn rơgao tơnap tap mơng ling tơhan amăng bruă pơgang klin Covid-19 ƀơi Hà Tiên; čang rơmang ling tơhan amra găn rơgao tơnap tap, gir ngă pơgiong bruă jao. Kơ-iăng khua mir sir pơtă pơtăn Kiên Giang kiăng kơđiăng prap lui rơdêh, măi mok hăng ling tơhan kiăng kơ pơphun bruă pơgang klin pơ anăp anai dong.

Siu Đoan: Pơblang