VOV4.Jarai - Mơguah lơ 29/12, ƀơi Hà Nội, Grup wai lăng pơsat jĕp Khua mir sir Hồ Chí Minh pơphun mông ngă lơphet jao Miđai mă bruă mrô II; lăng glăi bruă mă amăng thun anai hăng pok pơhai bruă mă amăng thun pơ anăp anai. Kơ-iăng khua mir sir yă Võ Thị Ánh Xuân nao ngă lơphet. Amăng thun blan laih rơgao, Grup wai lăng pơsat jĕp Khua mir sir Hồ Chí Minh hơmâo pơgiong bruă jao, drơi jăn Khua mir sir Hồ Chí Minh tơdơi kơ 50 thun hơmâo djă pioh klă hloh, ƀu hơmâo tơlơi pơplih hơget ôh pơhmu hăng hơdôm tơlơi lăi pơthâo amăng tal pel ĕp bruă wai lăng drơi jăn atâo mơng djop Khul grup hlâo anun. Mơng hrơi pok pơsat jĕp truh ră anai, ƀơi anai hơmâo čơkă, pơphun mông mut čuă lăp djơ̆, rơnuk rơnua hăng 324 tal arăng mut nao hơ-ŭ hơdor gưl Kơnuk kơna, 427 grup khua mua git gai dêh čar hăng giăm 60 klăk tuai mut nao, amăng anun hơmâo rơbêh 10 klăk čô tuai mơng jar kmar nao hơ-ŭ hơdor kơ Khua mir sir Hồ Chí Minh. Pơ ala brơi khua mua Ping gah, Kơnuk kơna, Kơ-iăng khua mir sir yă Võ Thị Ánh Xuân hơmâo jao Miđai mă bruă mrô II brơi kơ grup wai lăng pơsat jĕp khua mir sir Hồ Chí Minh.

Siu Đoan: Pơblang