VOV4.Jarai-Mơguah lơ 18/11, ƀơi Hà Nội, Ding jum Bruă mă Tơhan rơka hăng Mơnuih mơnam jơnum hơdor glăi hrơi pơpŭ kơ nai pơtô hrăm hră Việt Nam lơ 20/11 laih anun tŭ mă miđai mă bruă mrô sa mơ̆ng Anom bruă Pơtô hrăm bruă mă. Thun hrăm rơgao klin kheng covid 19 ngă kơtang đơi, lŭk pŭk amăng bruă mă, bơbeč djơ̆ prong amăng bruă pơtô hrăm bruă mă hăng rơbêh 1.900 anih pơtô hrăm bruă mă amăng dêh čar.

Kơ-iăng Khua mir sir yă Võ Thị Ánh Xuân jao miđai mă bruă mrô sa kơ Anom bruă

 Pơtô hrăm bruă mă dêh čar

Khă tui anun, glông bruă sang hră pơtô hrăm bruă mă amăng dêh čar hơmâo prăp lui hlâo, pơsir lăp, pơphun bruă mă jăng jai lui pơtô amăng anih hrăm, jing pơtô mơ̆ng ataih lăng nao rai amăng tivi, telephôn hăng măi komputer. Ƀing nai pơtô pơsir mă tơlơi tơnap, pok pơhai sa amăng plĕ hơdră pơtô hrăm, ngă tui khut khăt hơdră pơhlôm, pơgang klin tŭ yua.

Ƀơi mông jơnum, pơ ala kơ Ping gah, Kơnuk kơna, Kơ-iăng Khua mir sir yă Võ Thị Ánh Xuân hơmâo jao miđai mă bruă mrô sa kơ Anom bruă Pơtô hrăm bruă mă, Ding jum Bruă mă Tơhan rơka hăng mơnuih mơnam.

Nay Jek: Pơblang