VOV4.Jarai - Mơguah lơ 26/11, ƀơi Sang bruă Khua mir sir, Kơ-iăng khua mir sir yă Võ Thị Ánh Xuân jơnum Khul khua pơgang ba Keh prăk djru kơ ƀing čơđai Việt Nam. Mơng akŏ thun truh ră anai, Keh prăk djru kơ ƀing čơđai Việt Nam hơmâo djru ba rơbêh 98 rơbâo wơ̆t čô čơđai hăng mrô prăk rơbêh 61 klai prăk. Amăng anun hơmâo khăm djŏp tơlơi ruă hơtai boh mơng nge, rơwen rơwô, ruă mơta kơ giăm 1 rơbâo 200 čô čơđai djuai ƀiă, čơđai sang anŏ rin, giăm rin mơng plơi pla čư̆ siăng kriang pơtâo. Prăk djru hơmâo giăm 6 klai 900 klăk prăk, hăng rơbêh 20 rơbâo čô čơđai hơmâo djru. Biă ñu, yua hơmâo klin covid-19, Keh prăk hơmâo djru rơbêh 18 klai prăk kơ rơbêh 14 rơbâo čô čơđai. Ƀing čơđai sang hơmâo mă tơlơi djru lĕ ƀing tơnap tap phara, čơđai sang anŏ rin, giăm run, čơđai lĕ ană bă ƀing kông ñơn, mơnuih ngă hmua rơngiă bruă, čơđai phrâo tơkeng hơmâo amĭ ƀă klin Covid-19. Kơ-iăng khua mir sir yă Võ Thị Ánh Xuân ƀơi mông jơnum jak iâu ding kơna Khul pơgang ba ƀing čơđai pơtrut tui tơlơi gơgrong bruă mơng gơñu đah mơng iâu pơthưr abih bang djru ba lu hloh kơ ƀing čơđai tơnap tap.

Siu H'Mai: Pơblang